Елімізде жол ережесін бұзғаны үшін салынатын айыппұл көлемі кемуі мүмкін
Жүргізушілердің жанайқайы ескерілетін болды. Елімізде жаппай наразылықтан кейін жол ережесін бұзғаны үшін салынатын айыппұлдың мөлшерін 30 пайызға дейін кемуі мүмкін.
Автор: Досжан Маратұлы
30.11.2016
Айыппұлдың тым көптігіне жүргізушілер ғана емес, бұған дейін депутаттар да арызданған. Сондықтан үлкен дау тудырған заңды қайта қарап, кейбір айыппұлдардың мөлшерін азайтуды ұсынған еді. Яғни, күндіз шам жағып жүру, рөлде ұялы телефонмен сөйлесу, қауіпсіздік белдігін тағып жүру, кірқожалақ нөмір секілді ережелерді бұзған үшін салынатын айыппұл көлемін кемітуді айтқан. Десе де, жаңа заң жобасы әзірге дайындалып жатыр. Жүргізушілерді жарылқауды қолға алған Әділет министрлігі оны келесі жылы мәжілістің қарауына жібермек. Тек, мұндай бастама Ішкі істер министріне ұнап отырған жоқ. Генерал Қасымов айыппұлдың кейбір түрін ғана төмендетуге болатынын айтады.
Қалмұханбет Қасымов, ҚР Ішкі істер министрі:
-Елімізде айыппұлдың мөлшері тым көп емес. Тек, қарсы бетке шығу, жылдамдықты асыру секілді адам өміріне қауіп төндіретін ережелерді бұзғандарға салынатын айыппұл көлемі ғана көп. Оны төмендетудің қажеті жоқ. Ал, қалған баптарды талқыға салып, қайта қарауға болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
