Мұнда ащы күйіктің иісі әлі де бар. Баллон жарылғанда үйде төрт адам болған. Ерлі-зайыптылар мен олардың 10 жасар ұлы – Никита Сенник, сосын көршісі қарауға қалдырып кеткен кішкентай Ева Кургузкина. Күйік шалғандардың шыңғырған дауысын бірінші боп көшедегілер естіп, дереу жетіпті.       

Виталий Гуров, Шарбақты ауылының тұрғыны: 

-Дүкеннен келе жатыр едім, қарасам, үй өртеніп жатыр. Ащы дауыстар естілді. Бірден жүгіріп бардым. Есік алдында 1 жасар қыз тұрды. Үстінде кіиімі жоқ, күйіп қалған. Көтеріп сыртқа шығардым.

Ауыр жарақаттардан екі бала да ауруханаға жетпей бақилық болды. Үй иесі – Сергей Сенникті де ажалдан арашалау мүмкін болмады. Оның денесі түгелдей күйіп кетіпті. Ал 38 жастағы әйелі Линаны 90 пайыз күйік шалған. Өмірі қыл үстінде тұрған келіншекті аман алып қалуға дәрігерлер барынша тырысып жатыр.  

Қарлығаш Ибрагимова, Шарбақты аудандық ауруханасы бас дәрігерінің орынбасары:

-Бар күшімізді салдық, дегенменде 3 адамды құтқару мүмкін болмады. Денелерін қатты күйік шалған. Бастапқыда, шок жағдайында есін жиғанымен, кейін ауыр жарақаттардан көз жұмды. Қазір әйелдің өмірін сақтап қалуға тырысып жатырмыз, бірақ оның да жағдайы аса ауыр.

Ал үш бірдей адамның өліміне себепші баллон газға тіпті қосылмаған болып шықты. Көгілдір отынға толы металл құты пештің қасында қалып қойып, ақыры шыдас бермей жарылған екен.        

Нұртай Есімханов, Шарбақты аудандық ТЖБ бастығы:

-Тергеп тексеріп жатырмыз. Анықтаймыз бәрін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!