Францияға құс тұмауы қайта оралды

Ел билігі H5N8 вирусы үйрек фермасынан шыққанын растап отыр. Атап айтқанда, оңтүстік-шығыстағы Альмерак шаруа қожалығында екі мыңға тарта үй құсы қырылып қалған. Тағы үш мыңнан астамынан тұмау белгілері байқалыпты. Сондықтан қазір Франциядағы барлық құс фермалары жаппай тексерілуде. Болжам бойынша, ауру солтүстіктегі жабайы үйректерден тараған. Құс тұмауының қайта өршуі ел экономикасына да әсер етуі мүмкін. Себебі, Франция үйрек етін экспорттаушы елдердің қатарына кіреді.