Жантүршігерлік апат болған «Астана-Көкшетау» жолы уақытша жабық тұр

Арқаның аязы күшейе түсті! Астанада дүлей дауылға байланысты төтенше жағдай қызметі ескерту жасап, республикалық маңызы бар тас жолдар жабылып қалды. Бас қаламен қатар - Ақмола, Батыс Қазақстан және Атырау облыстарында да күшті жел болады деп күтілуде. Алдағы екі тәулікте аталған аймақтарда қатты жел соғып, соңы боранға ұласуы мүмкін. Ал ауа температурасы -20-25 градусқа дейін төмендемек. Дүлей дауылға байланысты «Астана-Көкшетау» тас жолы жабылып, тұрғындарға ескертпе-хабарлар таратылуда.