Назарбаев Бишімбаев пен Ыдырысовты отставкаға жіберді
Астанада ауыс-түйіс. Президент Нұрсұлтан Назарбаев бүгін күтпеген жерден Ұлттық экономика мен Сыртқы істер министрлерін отставкаға жіберді. Алайда, бұл орынтақтар көпке дейін бос қалған жоқ. Бүгін премьер-министр Ұлттық экономика министрінің жаңа басшысын таныстырды.
Автор: Ербол Сейілхан
28.12.2016
Енді бұл ведомстваны 38 жастағы Тимур Сүлейменов басқармақ. Бұған дейін Еуразия экономикалық комиссиясында қаржы саласына жетекшілік еткен Сүлейменов бұдан-былай «Нұрлы жол» бағдарламасына яғни жер бөлу мен арзан баспана салу секілді ауқымды істерге жауапты. Ал Ұлттық экономика министрлігін бар болғаны 7 ай басқарған Қуандық Бишімбаевтың қандай қызметке тағайындалары белгісіз. Сондай-ақ бүгін соңғы уақытта жиі сыналған Сыртқы Істер министрі де ауысты. Бір –ақ күнде тағынан түскен Ерлан Ыдырысовтың орнына Қайрат Әбдірахманов жайғасты. Дипломатиялық тәжірбиесі өте зор Әбдірахманов бұған дейін Қазақстанның Біріккен Ұлттар Ұйымы жанындағы Тұрақты өкілі болған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
