Астанада Ұлттық қауіпсіздік комитетінің бұрынғы басшысы ұсталды

Ұлттық қауіпсіздік комитетінің лауазымды қызметкерлері мемлекеттік құпияны жария қылған! Осындай айыппен комитеттің бұрынғы төрағасы Нартай Дүтбаев пен тағы екі шенді ұсталды. Үшеуі де қазір Астанадағы тергеу қапасында жатыр. Ұлттық қауіпсіздік комитеті күдіктілердің үйін тінтіп, айғақ заттарды да тәркілеген екен. Тек тергеу құпиялығына байланысты, басқа ақпарат айтылмады.Айта кетсек, Дүтбаев Ұлттық қауіпсіздік  комитетін 2001-2006-шы жылдары басқарған.