Оралда тағы газ қымбаттады
1 қаңтардан бастап көгілдір отын бағасы бірден тоғыз теңгеге шарықтап шыға келген.
Автор: Диас Нұрақын
04.01.2017
Осылайша газ толтыру орталықтарында оның литрі енді 63 теңгеден сатылып жатыр. Тіпті кейбір кәсіпкерлер бағаны 68 теңгеге дейін көтеріп алыпты. Жаңа жылмен қабаттасып келген қымбатшылық, әсіресе, жүргізушілердің жүйкесін жұқартуда. Өйткені қалада газбен жүретін алты мыңнан астам көлік бар. Алайда атқамінерлер бағаның аспаннан алынбағанын айтады. Яғни 1-ші қаңтардан бастап елімізде көгілдір отынның көтерме бағасы күрт қымбаттап кеткен екен.
Күнсұлу Өтепқалиева, БҚО энергетика басқармасының бөлім басшысы:
-2017 жылдың бірінші кварталынан бастап шекті баға 23 мың теңгеден 28 мың теңгеге дейін өсті. Сондықтан шекті бағасы 54 теңгеден 63-ке дейін өсті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
