Биыл автошабандоздар Оңтүстік Америкадағы «Дакарға» қатысу үшін 50 мемлекеттен барған. Олар алғашқы күннен-ақ бәсекелестеріне табанды қарсылық танытуда. Аргентинаның Сан-Мигель-де-Тукуман қаласы мен Сан-Сальвадор-де-Жужуй арасын қамтыған үшінші кезеңде экипаждар 800 шақырым жолды артта қалдырған. Бірақ өзен арнасы, құм мен тастардың көптігінен көліктер сыр беріп, оларды жол үстінде жөндеуге тура келді. Березовскийдің «Тойотасы» мен Ардавичус мінген «МАН-ның» дөңгелегі жарылып, басқа да ақаулары шыққан. Дегенмен қос экипаж да мәреге өз күшімен жетті. Бүгін түнде автошабандоздар Боливия аумағына өтеді. Жол қиын болатындықтан штурмандарға бір сәтке де назарын басқа жаққа бұруға болмайды. Ал жарыстың өзі теңіз деңгейінен 3 жарым мың метр биіктікте өтпек. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!