Шахандағы апаттың соңғы құрбаны жер қойнына тапсырылды

63 жастағы Татьяна Канды ақтық сапарға артында қалған екі ұлы мен жерлестері шығарып салды. Бұл шахандықтар үшін қаралы күндерде жерленген 9 адам. Кеше ғана  6 айлық нәретесін құшағына алған күйі табытта жатқан Елена Алексеенкомен туғандары қимай қоштасқан. Ал бірінші күні жұртын азан-қазан қылған жоқтаумен 6 бірдей адам жер қойнына кетті. Олардың арасында 6 жастағы бала мен 8 айлық нәресте бар. Жерлеу рәсімінің шығындарын жергілікті билік көтерген.