Дәл осы гипермаркет жаңа жыл алдында ұтысқа көлік тіккен. Оған бес мың теңгеге тауар алғандар қатысады. Алғашқыда гипермаркет алдында концерт қойып, осы жерде ұтыс иелері анықталады деп хабарлаған. Кейін оны жергілікті арна арқылы тікелей эфирде ойнатуды жөн деп шешкен. Бірақ бұл туралы сатып алушыларды хабардар етпепті. Жиналған жұрт дүкен басшыларына ашуланып, тіпті ұтысқа тіккен көлікті төңкеріп тастауға дейін барды. Әйтсе де, кейін сабырға келіп тарқасты. Ал осы оқиғаға байланысты гипермаркет басшылығы пікір білдіруге құлықсыз.