-Еліміз басқарудың жаңа жүйесіне ауысатынын Елбасы бұған дейін жолдаулары мен түрлі жиындарда айтқан. Ол үшін Нұрсұлтан Назарбаев өз құзыретінің жартысын Үкімет пен Парламентке бөліп беруге дайын екенін мәлімдеп, шаруаны іске асыру үшін жұмыс тобын да құруға тапсырма берген болатын.

Әділбек Жақсыбеков бастаған сол жұмыс тобын бүгін Ақордаға шақыртқан Назарбаев, билік тармақтары арасында өкілеттікті бөлу мәселесін қарады. Осы жерде Елбасы конституцияда президентке көп міндеттердің жүктелгенін айтып, құзыретінің біраз бөлігін Үкімет пен Парламентке теңдей бөліп беру мәселесін тағы көтерді.

Нұрсұлтан Назарбаев, Қазақстан Республикасының президенті:

-25 жылдың ішінде Конституцияда бар қағидаларды орындап, осындай жетістіктерге жеттік. Еліміз аман, жұртымыз тыныш. Тыныштықты сақтадық ішімізде. Бірталай экономикалық жетістіктерге жеттік. Енді әрі қарай жылжу үшін 5 мемлекеттің мен айтқан қадамы бар. Оның ішінде бесінші айтқан жүйеде «Ашық Үкімет» демократияландыру деген мәселесі бар. Сондықтан қазіргі жағдайда қарап, Президенттің өзіне алған бірнеше өкілеттігін Үкіметке қарай жылжыту мәселесін қарауымыз керек.

Яғни, сол президенттің өкілеттілігін Үкімет пен Парламентке қарай жылжыту үшін конститутцияға 40-қа тарта өзгеріс енгізу ұсынылып отыр.

Егер ол мақұлданып жатса, президентке жүктелген шаруаның бір бөлігін Үкімет пен Парламент Елбасының араласуынсыз-ақ атқара береді. Яғни, министрлерді қазіргідей  Назарбаев емес, перьер-министр өзі тағайындайды. Әрі экономика саласындағы ауқымды реформаларға да президент араласпайды. Оларға қатысты шешімді Үкімет пен Парламент өзі қабылдап, нәтижесіне де өздері жауап беруі тиіс.

Нұрсұлтан Назарбаев, Қазақстан Республикасының президенті:

- Разрабатывается программа, направляется мне. Я утверждаю, как будто беру на себя. Парламент должен следить - разработал программу, утвердил в Парламенте, пусть выполняет эту программу. Каждый раз заслушиваем отчеты, каждый раз даем поручения - вот так работает правительство. Так не должно быть. Каждый исполнительный орган должен заниматься своим делом.

Ал, Елбасының құзыретіне ұлттық қауіпсіздік, қорғаныс, ішкі, сыртқы  саясат, мемлекеттік басқару мен конституцияны қорғау секілді негізгі міндеттер ғана кіреді. Әрі Үкімет пен Парламенттің жұмысын сырттай бақылап отырмақ.

Десе де еліміз басқарудың жаңа жүйесіне қашаннан бастап ауысатыны белгісіз. Жұмыс тобы билік жүйесінің құзіретін тағы жіті қарап шығуы тиіс. Кейін қажет болса, өзгерістер енгізеді. Сөйтіп, Үкімет пен Парламентке жүктелер жауапкершілік пен жұмыстың екі есе артатыны анық.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!