Тайландтағы қонақүйде қайтыс болған жерлесіміздің қасында азаматтық некедегі әйелі болған
Тайландтағы көңілді қыдырыстың соңы қайғымен аяқталды. Паттайя қаласындағы қонақүйлердің бірінен Қазақстан азаматы Виктор Варттың өлі денесі табылды. Ішті жағымсыз иіс алып кеткен соң мейманхана қызметкерлері бөлме есігін бұзып кіруге мәжбүр болған.
Автор: Ербол Сейілхан
01.02.2017
Сөйтсе, 41 жастағы марқұмның мәйіті тәулік бойы жатып қалған екен. Жергілікті полиция Виктор Варттың кереуеттегі мүрдесінің жанынан ұйықтап жатқан азаматтық некедегі әйелін тапқан. Бөлме ішінде ондаған ішімдіктің бос құтылары шашылып жатыр. Жұмбақ жағдайда қайтыс болған туристің денесінен азаптау белгілері байқалмаған. Болжам бойынша, Алматы тұрғыны алкоголді шамадан тыс ішіп ажал құшуы мүмкін. Қазір тәртіп сақшылары оның сүйіктісінен жауап алуда. Ал еліміздің Сыртқы істер министрлігі Виктор Варттың мәйітін Қазақстанға жеткізу мәселесімен айналысып жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
