Атырауда әріптестерінің көзінше өзін өртеген прокурордың аты жөні анықталды
Атырауда облыс прокурорының бұрынғы көмекшісі әріптестерінің көзінше өзіне өрт қойды. 37 жастағы Ләйла Смадиярова өзіне қатысты қылмыстық іс заңсыз қозғалды деп, осылай наразылық білдірген. Былтырғы тамыздан бері үйқамақта отырған оған сот үкімі бүгін-ертең шығуы керек екен.
Автор: Жанар Низамутдинова
01.02.2017
Жергілікті әйелдер түрмесіндегі қызметкерлерден ақша бопсалады деп айыпталған Смадияроваға қатысты сот процесі өткен жылдың қазанында басталған еді. Бірақ ол мұның бәрі бұрын өзі қылмыстық жауапкершілікке тартқан адамдардың жаласы деп, онысын тура облыстық прокуратураның алдында өзін өртеу арқылы дәлелдемек болыпты. Қайта көмек дер кезінде жеткен. Беті мен аяғы күйіп қалған бұрынғы прокурор қазір Атырау облыстық ауруханасында жатыр. Ал оның бұрыңғы әріптестері қасаң ақпараттан өзге тіс жармады.
Аслан Нұрғалиев, Атырау облыстық прокуратурасының өкілі:
-Оған қатысты пара алу және пара алуға оқталу фактілеры бойынша қылмыстық іс Атырау қалалық №2-ші сотымен қаралуда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
