Иманғали Тасмағамбетов Ресейге елші болып кетті

Астанада күтпеген жерден ауыс-түйіс болды. Президент Нұрсұлтан Назарбаев премьер-министрдің орынбасары Иманғали Тасмағамбетовты қызметінен босатты. Үкіметте білім денсаулық пен әлеуметтік салаға жауапты болған  ол бұл қызметінде бар жоғы 4 ай істеді. Жаңа ғана келіп түскен мәлімет бойынша, Иманғали Тасмағамбетов Қазақстанның Ресейдегі елшісі болып тағайындалды. Енді еліміздегі ықпалды саясаткерлердің бірі Ақорда мен Кремльдің арасын одан сайын жақындата түспек.