Мәдениет министрлігі тұрғындарды музей мен театрға тегін кіргізу жайлы ұсыныс жасады

Музей мен театрды жақсы көретіндерге жағымды жаңалық! Мәдениет министрлігі ел тұрғындарына қойылым мен жәдігерлерді тегін көруге мүмкіндік жасамақ. Осы арқылы ведомства жұрттың мәдениетке деген махаббатын арттырмақшы. Десе де, театр әрбір барған сайын тегін бола бермейді. Өнерге қызыққандар қойылымды жылына төрт рет мейрам күндері ғана шығынданбай тамашалай алады. Ол наурызға қарсы, балаларды қорғау мен білім және тәуелсіздік күні. Ал, музейге кіру әрбір айдың үшінші жексенбісінде тегін болмақ.