АҚШ-та апелляциялық сот президент бұйрығына қарсы шағымды қарап жатыр

Дональд Трамп бұған дейін 7 бірдей мұсылман елінің азаматтарын Америкаға кіргізбеу жөнінде бұйрыққа қол қойған болатын. Қарсы тарап мұны дінге қарай алалау, ал бұл АҚШ заңына қайшы дейді. Бірақ биліктегілер мәселе мұсылмандарда емес, кейбір елдерден шығатын басбұзарларға қарсы қабылданған шешім екенін айтуда. Сондай-ақ, Американың қауіпсіздігі мен миграция мәселесі де президенттің құзіретіне кіретінін мәлімдеп отыр. Ал апелляциялық сот жақын арада шешім қабылдайтынын мәлімдеді.