Жалпы, тақтан 9 адам үміткер болыпты. Бірақ, Бердімұхамедовтің жеңіске жететініне ешкім күмән келтірмеген секілді. Себебі өзге кандидаттардың сайлауалды бағдарламасы қазіргі басшының ұстанымын толығымен қайталаған. Түрікменстан билігі былтыр конституцияға өзгеріс енгізіп, үміткерлердің жасы 70-тен аспауы керек деген талапты алып тастағанын айта кетейік. Сондай-ақ, елді басқару мерзімі 5 жылдан 7 жылға дейін ұзартылған. Осы өзгерістер Құрбанғұлы Бердімұхамедовке әлі ұзақ уақыт президент болып қалуға мүмкіндік береді. 59 жастағы Бердімұхамедовтің мамандығы – тіс дәрігері. Ол билікке Сапармұрат Ниязов қайтыс болғаннан кейін 2007 жылы келіп, 2012 жылы қайта сайланған. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!