Теңге тағы да нығая түсті

Қор биржасында бүгін доллар 320 теңге 24 тиыннан саудаланды. Осы айдың өзінде екі рет нығайған ұлттық валюта, осылайша 2015 жылдың желтоқсанындағы көрсеткішке жетіп отыр. Қазір ақша айырбастау орындарында АҚШ валютасы 320 мен 322 теңге аралығында құбылып тұр. Теңгенің нығаюына негізгі себептердің бірі – мұнай бағасы. Brent маркалы қара алтын бүгін бүгін 55 доллар 74 центтен сатылды. Естеріңізге салсақ, АҚШ валютасы 2015 жылдағы көрсеткішке осы айдың 6-ы күні де жеткен болатын. Ол кезде бір доллар 321 теңге 59 тиыннан сатылды.