Теңге сәт сайын нығайып жатыр

Теңге тағы нығайып, 2015-ші жылдың аяғындағы рекордтарын қайталап жатыр.Бүгін қор биржасында АҚШ доллары 318 теңге 88 тиыннан сатылды. Теңге тек осы ақпан айының өзінде бірнеше рекордты жаңартқанын айта кетейік. Бұған бірінші кезекте мұнай бағасы оң әсер етуде. ОПЕК ұйымы қабылдаған бірқатар шешімдерден кейін қара алтын құны да күн санап көтеріліп келеді. Мәселе, бүгінгі әлемдік саудада Brent маркалы мұнайдың бағасы 55 доллар 76 центтен асты. Сондықтан, отандық сарапшылар қара алтын құны осылай тұрақты болса, теңге де нығая береді деп болжап отыр.