Шымкенттегі №4-ші мектепте жарылыс болып, бір мұғалім қаза тапты

Қайғылы оқиға жексенбі күні болған. Бірақ білім бөлімінен бастап, ішкі істер департаментіне дейінгі шенді-шекпенділер әзірге тіс жармай отыр. Тек, белгілісі 35 жастағы дене шынықтыру пәнінің мұғалімі демалыс күні газбен дәнекерлеу жұмыстары кезінде ауыр жарақат алған. Марқұмның маңында өзге ешкімнің болмағанын ескерсек, мектептегі қара жұмысты ұстаздың өзі жасаған болуы мүмкін. Қазір, осы жәйтке байланысты құрылған топ тексеру жұмыстарын бастап кетті.