Көрмеде күнделікті өмірде пайдаланатын тұрмыстық бұйымдар, киім-кешектер мен әшекейлер көнесінен бүгінге дейінгі экспонаттары қойылған.  Жәдігерлердің барлығы жергілікті тұрғындардан жиналыпты. Мәселен, көрмеде шоқ үтіктен ток үтікке қалай жеткенімізді көруге болады. Ал бұған дейін бикештеріміздің опа-далаптың орнына бетіне ұн жаққанын біреу білсе, біреу білмес. Сәнді киім деген ілуде біреудің қолы жеткен құнды дүние болғаны да айтылды. Мұражайда сонау 1970-ші жылдары пайдаланылған шаш кептіргіш құралды да кездестіре аласыз. Мекеме қызметкерлері өткен ғасырларда тұрмыста да, сәнде де әйел заты біршама ауыртпалық сезінгені жастарға үлгі болсын дейді. 

Татьяна Хмелева, мұражай қызметкері:

- Өткен ғасырда қандай опа-далаптың қолданылғаны немесе ағаштан жасалған үтікті қалай қолданғаны қызық қой. Бұл үтікті пайдаланған әйелдердің қандай бейнет көргенін мен де елестете алмаймын. Бірақ аналарымыздың басынан осындай заман өткен. Сондықтан көрменің  танымдық маңызы зор. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!