Алматыда аяусыз жаға жыртысқан футбол жанкүйерлері жұртты шошытты

Алматыда футбол жанкүйерлері жаға жыртысты. Әлеуметтік желіде тараған видеода «Қайрат» және «Ақтөбе» клубының жанкүйерлері бірін-бірі аяусыз соққыға жыққаны көрініп тұр. Екіге бөлінген елу шақты жігіт бас-көзге қарамай бір-бірлеріне тап береді. Бұл видео шамамен Сайран көлінің маңында түсірілген екен. Бірақ төбелестің нақты қашан болғаны белгісіз. Есесіне «Қайрат» жанкүйерлерінің жеңіске жеткені анық байқалады. Өйткені қарсыластарын жер жастандырған жігіттер соңында «Қайрат, алға!» деп ұрандатып, бір-бірін құттықтауда.