Парламенттің қос палатасы өзгертілген Конституцияны демалыс күндері бас көтермей талқылапты. Депутаттар Ата заңды сенбі мен жексенбі күні-түні талқылап, қарап шықтық деп отыр. Сөйтіп, тарихи құжатқа 10  түрлі ұсыныс енгізген. Сенаторлар мен мәжілісмендер ең алдымен Нұрсұлтан Назарбаевтың ерен еңбегін Ата заңмен бекіткен. Яғни, алғаш рет Конституцияға Елбасы Тәуелсіз Қазақстанның негізін қалаушы деп жазылды. Және енді президенттікке үміткерлерге де талап қатаң болады.

Нұрлан Әбдіров, Мәжіліс депутаты:

- Қарапайым қызметкредің өзіне жоғары білімі бар болу керек деп талап етеміз. Ал Елбасы, ең жоғары мемлекеттік лауазымдағы қызметке үміткерге оған ешқандай жоғары білімнің қажет іжоқ деген сөз ғой. Сондықтан біз оны міндетті түрде жазғыздық.   

Ал Нұрсұлтан Назарбаевтың есімін Астанаға, Елордадағы халықаралық әуежайға беру туралы ұсыныс ескерусіз қалды. Сөйтіп, бас қаланың аты ауыспайтын болды. Жаңа Ата заң бойынша, Қорғаныс, Сыртқы істермен қоса Ішкі істер министрін де Елбасы тағайындайды. Қалған министрлерді премьер депутаттармен келісіп таңдайды. Парламент мүшелері тіпті оларды қызметтен боста да алады. Халық қалаулылары бірінші кімдерді отставкаға жіберетіндерін де жобалап отыр.

Павел Казанцев, Мәжіліс депутаты:

- Ең алдымен экономикалық блокка жауатылардан бастайтын шығармыз. Өйткені, экономикалық мәселелер басты назарда. Сондықтан осы саладағы басшылардың мәселесін бірінші қараймыз.

Соңғы кезде сыннан көз ашпай жүргендердің бірі – Қаржы министрі Бақыт Сұлтанов. Бірақ, бюджеттің әр тиынына жауапты шенеунік, билікті қолға алған депутаттардың қаһарынан қорқып отырған жоқ.

Бақыт Сұлтанов, ҚР Қаржы министрі:

-Бұл халықаралық талапқа сай келеді, Үкіметтің жұмысы үнемі ашық болуы тиіс. Әрине, бақылау болған жерде шенеуніктің,жалпы мемлекеттік қызметкердің жұмысының сапасы жақсарады.

Сондай-ақ, Ата заңда террористерді азаматтығынын айыру да қарастырылған. Лаңкестің оқиғалар ұйымдастырғандарға мұндай жаза  соттың үкімімен қолданылмақ. Жалпы, Конституцияға 26 өзгеріс енгізіліп отыр. Ал президент Үкімет пен Парламентке 35 түрлі билігін бөліп берді. Қос палата бірауыздан бекіткен жаңа Ата заңды Елбасы Конституциялық кеңестің қарауына жіберді. Одан кейін Нұрсұлтан Назарбаевтың өзі қол қоюы тиіс.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!