Гаитиде ірі жол апатынан 40 адам қаза тапты

Гаитиде жолаушылар автобусы көшедегі жүргіншілерді қағып, 40 адам қаза тапты. Оқыс оқиға Гонаив қаласында өтіп жатқан музыканттар шеруінде болған. Жергілікті полиция таратқан ақпарат бойынша, Кап-Аитьен қаласынан ел астанасына кетіп бара жатқан автобус аялдамада отырған екі адамды қағып кетіпті. Ізін суытпақ болған жүргізуші бар жылдамдығымен келіп, көшеде келе жатқан шерушілерді жаншып өткен. Полиция келімін дегенше, жүргізуші де жасырынып үлгеріпті.