Өскеменде жол талғамайтын қымбат көлік суға батып кетті

Land Cruiser алдымен жеңіл машинамен соғысып, жолдан шығып кеткен. Артынша, Үлбі өзенінің ортасынан бір-ақ шығыпты. Джиптің жүргізушісі судан өз күшімен шыққан. Ол қатты зардап шеккен жоқ. Әрі көлік салонында басқа жолаушы болмаған екен. Ал құтқарушылар оқиға орнына жедел жетіпті. Оларға тал түсте суға батқан көлікті өзеннен шығару оңайға соқпады. Ол үшін кранның көмегі қажет болған. Қазір осы жол апатының нақты себебі анықталуда.