Әйтсе де, осыдан екі ай бұрын оның бір жасар Нинаны бірнеше күн бойы қараусыз қалдырғанын туған бауырлары тәртіп сақшыларына хабарлаған еді. Сол уақыттан бері бөбек балалар ауруханасында ем алып, артынша сәбилер үйіне жіберілді. Алғашқыда нағашылары асырап алуға ниет еткенімен, маскүнем ана есін жиыпты. Баласынан айрымауды сұрап әкімдіктегі комиссия мүшелеріне жалынған. Тіпті ажырасып кеткен күйеуімен қайта бас қосыпты. Қайын енесінен мұраға қалған үйдің құжаттарын рәсімдеп, қазір қызының жағдайын жасауға тырысып жүргенін айтады. Қазір ол инспекторлардың қадағалауында. Егер қайта шалыс басса, аналық құқығынан айрыру үшін ісі сотқа жолданады.

Наталья Хоренко, Ақтөбе қаласының тұрғыны:
-Баладан айрылудың не екенін түсіндім. Енді арақты мүлдем татып алмаймын. Сәбиім әлі есін білмесе де, күн cайын кешірім сұраумен жүрмін. Басымнана өткен бұл жағдайға, әрине, мен кінәлімін.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!