Астанада ірі жол апатынан зардап шеккендерге қатысты жаңа дерек шықты

Астанадан шыға берісте болған жол апатынан түрлі жарақат алған 6 адамның жағдайы тұрақты. Қазір олар Елордада ем алуда. "Астана-Қарағанды" тас жолында кеше кешкілік бірден 11 көлік соқтығысқан еді.  Ең алдымен ауыр жүк көлігінің тіркемесі тайқып кетіп, жолды кесе көлденең жауып қалыпты. Ұйытқыған ақтүтек пен көктайғақтың кесірінен арттағы көліктер бір-біріне соқтығыса берген. 11 машинаның сау тамтығы жоқ. Арасында тіпті мүлдем жарамсыз болып қалғандары бар. Ал осы апатта жараланған 6 адам қазір ауруханада жатыр.