«Әскерді алып кет» деп ұрандатқан топ пен десанттар арасындағы текетірес ұзаққа созылған жоқ. Сарбаздардың шапшаң қимылымен шеру басталмай жатып басылды. ҚАЗБАТ бітімгерлік батальоны осылай дайындықтарын тексеруде. Өткен сенбіде басталған басталған шараға АҚШ пен Ұлыбританиядан арнайы мамандар да шақыртылған екен.

Аян Нұрқасов, бітімгерлік батальонының командирі:

- Шетелден келген әріптестеріміз нұсқаушылар болып келді. АҚШ тан Ұлыбританиядан. АҚШ көбінесе штабтық дайындық бойынша дәрістер берді. Ал Ұлыбритания нұсқаушылары бізге жауынгерлердің, сержанттардың кіші командирлердің жұмыстарын бағалап өтті.

Шетелдік генералдардан дәріс алған сарбаздар блок-постты қорғауда да аянып қалмады. Күдікті деген көліктерді тексеріп, қаскөйлерді бірден анықтады. Бірақ мұздай қаруланған топ десанттық шабуыл әскерінің жеке құрамына айтырлықтай қарсылық көрсетті. Сарбаздар жақын маңдағы ауылға төнген жаудың да көзін жойды. Сөйтіп, шетелдік сарапшылардың оң бағасын алды.

Адам Ричмонд, Ұлыбритания Қарулы күштерінің өкілі:

-"Қазбаттың" жеке құрамының көрсеткен өнері мені қайран қалдырды. Біліктілік те тәжірибе де жеткілікті екені көрініп тұр. Олардың жоғары баға алатынына күмән жоқ.

Қазақстан биылдан бастап БҰҰ Қауіпсіздік кеңесінің уақытша мүшесі. Сондықтан, қажеттілік туындаса, қазақ сарбаздары бітімгерлік шараларына да ат салысады. 

Дала қыраны-Көктем-2017 оқу-жаттығуының негізгі мақсаты – биыл қазақ даласында бас қосатын отызға жуық мемлекеттің қарулы күштерінің қатысуымен өтетін оқу-жаттығуда абыроймен өнер көрсету. Ұлыбритания мен АҚШ-тан арнайы мамандар шақырып дайындықты пысықтап жатқан десанттық шабуыл әскерінің Қазақстан бітімгерлік батальонының сарбаздары сын сағатта жерге қаратпаймыз деп отыр. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!