Қазақстанда тағы бір ғарыш кемесі сәтті қонды

Ресейлік және америкалық ғарышкерлер мінген «Союз МС-02» кемесі бүгін жерге аман-есен оралды. Олар отырған капсула, алдын-ала жоспарланғандай, Жезқазған қаласынан 147 шақырым қашықтыққа келіп түсті. Ал экипаждың Халықаралық ғарыш станциясындағы сапары 173 күнге созылған. Соның 3 жарым сағатын олар капсулада өткізді. Айта кетсек, ғарышқа барып келгендер – ресейлік Андрей Борисенко, Сергей Рыжиков, және NASA-ның астронавты, америкалық Роберт Шейн Кимброу. Алыс сапардан аман-есен оралған үшеудің қазір жағдайы жақсы.