Түрі кісі шошырлықтай таяқ жеген - Батыс Қазақстан облыстық мемлекеттік инспекцияның бөлім бастығы. Алпыстан асқан Файзулла Төлегеновті қан-жоса түріне қарамастан сот сараптамасындағылар шенеунік таяқтан емес, жүрек талмасынан өлді деп шешім шығарыпты. Сөйтіп, іс те жылы жабылған.      

Дина Төлегенова, марқұмның әйелі:

-Алғашқыда іс тоқтатылды. Кейін «өз өлімімен өлді» деп мүлдем жауып тастады. Ол қалай өзі өледі? Түрінен көрініп тұр ғой, таяқ жеген. Оны Тілек Химмеденов жауыздықпен ұрып өлтірген.

Тілек Химмеденов деген – Агроөнеркәсіптік кешендегі мемлекеттік инспекция комитетінің испекторы. Марқұмның айтуынша, шенеунікті өлгенше ұрған сол қол астындағы қызметкері. Оны өздері табанынан таусылып жүріп, ақыры дәлелдеп беріпті. Тіпті, мәйітті қайта қазып алып, астаналық дәрігерлерге тексерткен екен. Шенеуніктің талмадан емес, тұншығып өлгенін анықтаған сол екінші сараптама.      

Майсұлу Төлегенова, марқұмның әпкесі:

-Қылмыс орнында түсірілген суреттер бар. Бетін адам танымастай етіп ұрған. Оны дәледеу үшін эксгумация жасатуға мәжбүр болдық. Енді оны байлап қойып өлтірген деген күдігіміз бар.

О баста қатысы жоқ делінген күдікті енді «бастығым өзіме тап берді» деп сотта ақталуда. Айтуынша, сол күні екеуі жұмыстан бірге шығып, біраз ақтан алған. Сөйтіп арада ерегіс шығып, соңы бас инспектордың өлімімен аяқталған. Алайда, марқұмның мұрнын бет қылғанына қарамастан, күдікті «жеңіл жарақат» бабымен құтылмақшы екен. Десе де, бұған ешқашан жол бермейміз деп бекінген марқұмның жақындары, соттан кемі 15 жыл үкім кесуді сұрап отыр.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!