Ұлан Хармысов, Аймақтық тестілеу орталығы Астана филиалының директоры:

- Оқушылар қалаған кезінде келіп, тапсырыс беріп, осы жерде емтихан тапсыра алады. Ол емтиханды онлайн тапсырудың ерекшелігі – мысалы қағазбен тапсырған кезде балалар жарты сағат уақытын қағаз толтыруға кетіреді. Бұл кезде оны ойлануға жұмсайды.

Онлайн-тест тапсыру үшін ең алдымен оқушы немесе оның сынып жетекшісі тапсырыс беруі тиіс. Түлек орталыққа тіркелген соң, жеке электронды нөмер алады. Сол арқылы компьютермен емтиханнан өтеді. Тура ҰБТ-дағыдай әр орынға видео камераға орнатылған. Ал сынақтың қорытындысы тест аяқталған соң бірден шығады. Оқушының бір жыл бойғы нәтижесі жеке парақшасында сақталмақ. Оған қарап түлектің қай пәннен білімі төмен екенін анықтауға болады екен. Сынақтың қорытындысын ұстаздармен қатар,  ата-аналар да үйде отырып, интернет арқылы көре алады. Астанадағы орталық күніне үш ауысыммен 450 бала қабылдайтын қауқары бар.  Онлайн-тест тапсырудың құны 250-300 теңге. Қазірдің өзінде елордалық оқушылар орталықққа келіп, емтиханнан өтіп жатыр.

Бауыржан Сапарұлы, №77 мектептің 11 сынып оқушысы:

-Онлайн тапсырғанымыз екі есе жақсырақ. Неге десек, олардың бір нұсқаны белгілеп, екінші рет соны қайтып белгілесе болады, алып тастап. Және сұрақтары өзгешелеу келеді. Жаңартылған формат бұрынғыдан қарағанда өзгешелеу.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!