Түркия билігі елде енгізілген төтенше жағдай мерзімін тағы ұзартты
Бұл президент жақтастарының референдумдағы жеңісіне тұспа-тұс келіп отыр. Режеп Тайып Ердоғанның өзі бүгін сол саяси шара қорытындысына күмән келтірген ОБСЕ ұйымын сынады. Халықаралық бақылаушыларға жауап берген президент олардың пікірін тыңдағысы жоғын тіке айтты.
Автор: Аруна Ортай
18.04.2017
Тіпті халықаралық ұйымға елдің ісіне араласпауға кеңес берді. ОБСЕ өкілдерін орнына қойған президент, енді ішкі қауіпсіздікті күшейте түспекші. Естеріңізге салсақ, конституциялық реформаны қолдаған түріктер билікті басы бүтін Ердоғанға берген болатын. Президенттік басқару жүйесін халықтың 51 пайыздан астамы қолдаған. Яғни, президент министрлер кабинетін өзі жасақтап, жоғары соттағы судьяларды да тағайындайды. Ал бұған қарсы елдің бірнеше қаласында шерулер де өтіп жатыр. Тек билік олармен санасайын деп отырған жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!