Бір топ қазақстандық жас шахматшылар Румыния жолында қар құрсауынан құтқарылды

 25 отандасымыз мінген автобус Молдовадан Румынияға жете алмай ақтүтек боранда қалып қойған. Ас-суымыз таусылуға жақын деп еліміздің Сыртқы Істер министрлігінен көмек сұраған отандастарымызға Румыниядағы Қазақстан елшілігі мен жергілікті құтқарушылар көмекке келді. Тіпті жол бойындағы жанармай құю бекеті азаматтарымызға тегін тамақ берген. Ал 3 сағаттан астам жолда кептетіліп қалған жерлестеріміз қазір қауіпсіз жерге жеткізіліп, жарысқа алаңсыз дайындалып жатыр.