Арнасынан асып жатқан - Нұра өзені. Қатер туралы адамдарға алдын-ала ескертілген екен. Тайтөбеге қарай арқырап аққан суды шипажайға апаратын жол сақтап қалыпты. Өйткені жергілікті әкімдік трассаны бұзып, суды әрі қарай ағызып жіберді. Енді тас-талқаны шыққан жолды бюджет есебінен қайта төсейтін болады. Осы қадам арқылы шенеуніктер ондаған үй мен бірнеше ауылды тасқыннан аман алып қалдық деп отыр. 

Дінмұхаммед Қалиев, Қосшы ауылдық округінің әкімі:   

-Қиратылған жолдың орнына көпір саламыз. Жобамыз іске асса, келесі жолы су келгенде жолды ашып, әуре-сарсаңға түспес едік. Қазір бюджеттен ақша сұрау үшін тиісті құжаттарды дайындап жатырмыз. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!