Солтүстік Қазақстандағы Мамлют ауданында балық қырылып жатыр
Глубокое көлінің тереңінен қалқып шыққан өлі балық жағалауды басып қалған. Тонналаған мөңкенің неден қырылғаны әзірге белгісіз. Тек оны тұрғындар білместікпен алып кетпес үшін мамандар күні-түні жинап, арнайы пеште өртеуде.
Автор: Гүлмира Тасболатқызы
24.04.2017
Болжам бойынша, балықтардың қырылуына оттегі жетіспеуі себеп болуы мүмкін. Себебі, Глубокое деп аталатын бұл көлдің иесі болмағандықтан, қыста ешкім суға оттегі жіберіп, аэрация шараларын атқармаған. Әрі балықшылар көлде балық жоқ деп ойласа керек. Алайда олардың қателескені енді белгілі болып отыр. Дегенмен, нақты қорытынды – сараптамадан кейін белгілі болмақ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
