Биыл Ұлттық ұланның құрылғанына 25 жыл

Алматыда осыған орай «Ұлы дала ұландары» атты гала-концерт өтті. Республика сарайына ұландардың әскери-патриоттық концертін тамашалауға келгендер көп. Отан қорғаушылар күніне орайластырылған шарада сарбаздар аянып қалмады. Ән мен жырдан шашу шашып, театрландырылған қойылымдар көрсетті. Бұл ән-би ансамблі Алматыда 60-шы жылдары құрылған. Ал 90-шы жылдардан бері Ұлттық ұланның құрамында. Ансамбльде әскери адамдардан өзге жас кәсіби әншілер, сондай-ақ, елімізге еңбегі сіңген әртістер де бар.