Қарғалы ауданына қарасты Жосалы ауылындағы мектепке бүгін оқушылар орнына ата-аналары келді. Олар білім ошағының басшысын орнына кетірмей, балаларын жібергісі жоқ. Өйткені Гүлмира Биісовадан көңілдері қалған. Айтуларынша, ол қарамағындағыларды құлша жұмсап, қарсы келгендерін сөзге келместен жұмыстан қуады екен.

Зәуреш Тәутенова, Жосалы ауылының тұрғыны:

-Үйінде ыдыс  жудым. Малын жайладым. Балалар үшін жүрдім. Мектепте жұмыс істеу үшін.  

Мектеп мұғалімдері де директордың себепсіз ақша жинауынан шаршағандарын айтады. Онымен қоймай оқытушыларды балалардың көзінше балағаттау үйреншікті әдетіне айналыпты.

Жауқазын Терекбаева, Жосалы орта мектебінің мұғалімі:

-"Есуассың" деп балағаттайды. Үндемейсің, басыңды бұғасың да кетіп қаласың.ДӘлізде балалардың көһзінше айғайлайды. Естімегендей болып бұғып кете қаласың.

Мектеп директорының қылығын аудандық мәслихаттағы депутат күйеуі қолдап отыр. Оған қарсы ауыз ашқандарды Серік Биісов орнына қояды дейді ауылдастары. Бұл жолы да ол халықты қаралап шыға келді.

Серік Биісов, Қарғалы аудандық мәслихатының депутаты:

- Бәрі өтірік. Жала жауып отырсыңдар. Неге, не үшін?

Мектеп директоры Гүлмира Биісова да өзіне шаң жуытқан жоқ. Қарсы келгенмен енді ол сотқа кездеспекші.

Гүлмира Биісова, Жосалы орта мектебінің директоры:

-Менің ешқандай үй қызметкерім жоқ. Жұрттың айтқаны жала. Қазір адвокатым менің арызым бойынша айналысып жатыр.

-Жосалы ауылының тұрғындары мектеп директорына қатысты облыс әкімінен бастап, білім саласына жауапты барлық мекемелерге арыз жазған. Бірақ олардың ешбірінен қайран болмапты. Мектептегі жағдайды біліп кетуге мұнда бір де бір шенеунік ат ізін салмаған.

БАҚ өкілдері барғаннан кейін ғана білім басқармасындағылар тексеруге адам жіберіпті. Бірақ олар жетем дегенше Гүлмира Биісова директорлықтан кету туралы арыз жазып қойған. Дегенмен, ерсі қылықтарына қатысты тексеру тоқтамайтын болды. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!