Ресей аумағы арқылы өтетін пойыздардың уақыты қысқармақ

Ресей аумағы арқылы өтетін қазақ пойыздарының жол жүру уақыты 14 сағатқа қысқарғалы жатыр. Себебі, қос елдің шекарасындағы тексеріс алынып тасталмақ. Мемлекеттер арасындағы темір жол қатынасын реттейтін тиісті келісімге өзгеріс енгізу туралы хаттаманы бүгін Мәжіліс бір ауыздан мақұлдады. Оған сәйкес енді Қазақстан шекарасын кесіп өтетін ресейлік, және керісінше Ресей аумағынан өтетін қазақстандық жолаушылар мен жүк пойыздары тексерілмейді. Қазақстанның солтүстік көршімен екіарада 4, ал Ресейдің 33 транзиттік пойызы бар екен.