Қанат Жұмабаев, Тұңғыш президент қорының атқарушы директоры:

 - Жәрмеңке биыл елімізде өтетін ЭКСПО-ға арналады. Оның тақырыбы «жасыл» экономикаға бағытталған. Таңдалған идеялар тек қағаз жүзінде қалып қоймай, жүзеге асырылуы қажет. Бұл елімізге пайдасын тигізуі тиіс.

Табиғатты сақтап, әлемді жақсартуды мақсат еткендер Қазақстанның түкпір-түкпірінен жиналған. Олар экологиялық таза өндіріс түрлерін таныстыруда. Мысалы, эко-фермалар өндірісті қалдықсыз негізде жүргізіп, жеміс-жидекті жылдам өсіруге жол ашады. Экотуризм, шығармашылық пен спорт үйірмелерін қоса есептегенде жалпы саны 139 жоба ұсынылған. Олардың ішінен үздік 20-сы таңдалып, әрқайсысына миллионнан үш миллион теңгеге дейін қаржы берілді.

Рашида Шәйкенова, қазылар алқасының мүшесі:

-Жоба үздік деп танылып, оның пайда әкелетініне көз жеткен жағдайда қаржылай қолдау көрсетіледі.Экология дегенде тек қоршаған ортаның тазалығы емес, азық-түлік, жан мен тән тазалығына да назар аударылады. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!