Астанада биіктен секірген қыздарды өлімге итермелеген кім?

Астанада жантүршігерлік оқиға! Қос бірдей қыз биік ғимараттан секіріп кетті. Суицид жасағандардың бірі мына оң жағалаудағы көп қабатты үйдің 21-ші қабатынан құлаған. Өз-өзіне қол салған 20 жастағы бойжеткен бірден көз жұмды. Ал, екінші қыз сол жағалаудағы тұрғын үйлердің бірінің 15 қабатынан секіріп, мына Тойота көлігінің үстіне түскен. Қайта 17 жастағы жасөспірім аман қалды. Қазір дәрігерлер оның өмірі үшін күресіп жатыр. Ал, полицейлер екі бірдей дерек бойынша қылмыстық із қозғап,тергеуді бастап кетті.