Алматы әуежайында жұрттың есін шығарған жалаңаш еркекті полиция ұстап әкетті

Алматының әуежайындағы жолаушылардың есін тырдай жалаңаш адам шығарды. Бүкіл әуретін көрсетіп, кезіккеннің бәріне тиісіп жүрген еркекті полиция өкілдері дедектетіп сүйреп әкетті. Жасы ортадан ауған кісі қашып құтылмақшы болыпты. Ал ұсталған кезде сау еместігі байқалған. Бірақ не ішіп, не қабылдағаны белгісіз. Анықталғаны, бұған дейін ұсақ бұзақылық әрекеттері үшін бірнеше рет сотталған екен. Енді оның психоневрологиялық диспансер есебінде бар-жоқтығы тексеріліп жатыр.