Алматыда троллейбус өртенді

Алматыда троллейбус өртенді. Отқа оранған қоғамдық көлікті сол маңнан өтіп бара жатқандар ұялы телефонға түсіріп алыпты. Оқиға Рысқұлов және Емцов көшелерінің қиылысында болған. Видеода троллейбустың төбесі алдымен түтіндеп, кейін лапылдап жанғаны анық көрінеді. Ал жолаушылар түгел сыртқа шығып үлгерген. Төтенше жағдайдың алдын алуға жаңбырдың да көмегі тиген сыңайлы. Өрт сөндірушілер жеткенше от та басылып қалған. Ал троллейбустың өртенуіне оның төбесіндегі электр сымдарының тұйықталуы себеп болыпты.