Алматы облысында бір ай бұрын жоғалған қыз табылды

Тісін емдетуге кетіп, сол күйі оралмаған ол үйіндегілерінен әдейі қашып жүріпті.     17 жастағы Зере Серікбаеваға анасы іздеу салған болатын. Сөйтсе, қызы алысқа ұзамаған екен. Бұған дейін полицейлер айтқандай-ақ, бойжеткен бұрынғы әдетіне салып үйінен өзі кетіп қалған. Бір айдан бері Алматыдағы көлік жуу бекеттерінің бірінде аман-сау жүріпті. Тіпті Таразға қыдырып үлгерген. Тәртіп сақшылары оны сол қаладан тауып, үйіне қайтарды.  Айтуларынша, кәмелетке толмаған қыз ата-анасымен ұрысқан соң әдейі қашыпты.