Әлеуметтік желі арқылы тараған бұл роликте ақтөбелік ерлі-зайыптының мұнарадан секірмек болған сәті түсірілген. Владимир Шустер мен оның азаматтық некедегі әйелі Әсел Дүйсенбаеваның жақындары оларға жанұшыра айқайлап жүр. Бірақ олар ақыры көнбеді.

-Вова, успокойся, я тебе клянусь ничего не будет! Не переживай!

-Обещаете?

-Обещаем, обещаем. Вова, успокой её.

Куәгерлердің кейбірі ерлі-зайыптының өздеріне қол салған күні мас болғанын айтады. Бірақ әзірге тергеушілер бұл туралы тіс жармады. Марқұмдарды бүгін туыстары туған ауылдары Қурайлының шетіндегі қорымға жерледі. Ал жеті жасар Кристина өзін өлімші етіп сабаған өгей шешесі мен әкесінің өлгенінен хабарсыз. Қазір қарашадай қыздың денесіндегі жаралары жазылыпты. Тек көзінің айналасындағы қанталаған дақтары әлі тұр. Бір күн бұрын хәлін білуге туған анасы келіп кеткен. Ол да кезінде Кристинаны туа сала жетімдер үйіне өткізгенін айта кетейік.

Кристина Шустер:

-Мен анамды таныған жоқпын. Ол өзі айтты. Маған ұқсайды екен. Келіп тұрамын деп уәде берді. Менен басқа да балалары бар екен. 

Ал тұрғындар екі адамның өліміне себепші болған мұнараға алаңдап отыр. Осы оқиғадан кейін жастар жағы барғысы кеп тұра ма деп қорқады.

-Бұл мұнараның кезінде радиохабар таратуға септігі тиген. Соңғы 20 жылдан бері істемей қаңтарылып тұр. Мұнараның иесі саналатын «Қазтелерадио» акционерлік қоғамының өкілдері оны алып тастай алмайтындарын айтады. Өйткені қорғаныс саласына байланыс үшін қажет болып қалуы мүмкін екен. 

Ал енді мұнараға адам шықпас үшін сатының төменгі 5 метрін қиып тастамақшы. Жан-жағын қоршап, 4 күзетші үнемі қарап жүретін болады. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!