Саран шахтасында болған апатқа кінәлілер сотталды

Бірақ 4 адамның өмірін жалмаған апатта айыпты деп танылғандардың 5 жылға бостандығына шектеу ғана қойылды.  Алғашында бұл іс бойынша Арселор Миттал компаниясында басшылық қызметтегі 30-дан аса адам жауапқа тартылған еді. Алайда олардың барлығы сүттен ақ, судан таза боп шықты да, сол шахтаның екі машинисі мен участок бастығы кінәлі деп табылды. Естеріңізге салсақ, өткен жылдың 10-шы қарашасында Саран шахтасында кеншілерді жер астынан шығаратын бірнеше вагон апатқа ұшыраған еді. Салдарынан 4 кенші оқиға орнында көз жұмып, 5 адам жараланған болатын.