Әділет министрлігі шетелге шыға алмайтын азаматтардың нақты санын атады
Елімізде 400 мыңға жуық тұрғын берешек. Егер олар қарызынан құтылмаса, елден аттап басып шыға алмайды.
Автор: Ербол Сейілхан
25.05.2017
Ал шектеуді алып тастау үшін тұрғындар банкке барып, төленген түбіртегін сот орындаушыларына көрсетуі тиіс. Кейін айыппұлы базадан алынғанша, бірнеше күн күте тұруына тура келеді. Енді 1-ші маусымнан бұндай қағазбастылық жойылады. Себебі берешекті тура әуежайда төлеуге мүмкіндік жасалғалы жатыр. Сөйтіп, шенеуніктер азаматтардың жазғы демалысының шырқын бұзбауды ойластырып қойған.
Олжас Рамазанов, Әділет министрлігінің ресми өкілі:
-Маусым айынан бастап Әділет министрлігі және "Қазпошта" ыңғайлы қызметті іске қосады. Бұл қызмет арқылы борышкер кетер алдында әуежайда өз қарызын төлеп, елден емін-еркін шыға алады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!