Астананың жаңбырлы кешіне қарамастан, Бейбітшілік және келісім сарайында бос орын жоқ. «Астана кештері» фестивалінің 4 күнінде сапалы ән тыңдауға халық мыңдап жиналған. Ән сүйер қауым арасында еңбектеген баладан, еңкейген қарияларға дейін бар. Рухани кешті тамашалауға еш кедергі жоқ. Ұйымдастырушылар тіпті мүмкіндігі шектеулі жандарды үйден концерт залына дейін жеткізуді қарастырған. Ал кеш билеттері арнайы орындарда тегін таратылды. Бұндай мүмкіндікті халыққа «Дегдар» гумманитарлық қоры «JTI» компаниясының қолдауымен ұсынды.

Рэнди Брекер, музыкант:

-Осыдан сегіз жыл бұрын Астанада ашық аспан астында концерт бергем. Сол кезде Қазақстан маған ерекше әсер етті, қайтып келерімді сол кезде сезгем. Бүгін Астананың 8 жылдай қалай өсіп, құлпырғанын көріп отырмын. Қалаларыңызды Дубайға ұқсатамын. Осы жылдары джаз өнерінің де жаңа деңгейге көтерілгенін көрдім. Астанаға қуана қайта келемін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!