Ақордаға алғаш кірген Корея, Индонезия, Сербия мен Румынияның елшілері  бүгін Нұрсұлтан Назарбаевпен де жеке танысты. Мемлекет басшысына сенім грамотасын тапсырған мәртебелі меймандар енді ғана Қазақстанның тыныс-тіршілігімен жақынырақ таныса бастаған. Жаз шыққанда, Арқа төсіне қоныс аударған дипломаттар бұдан-былай халықаралық заңдармен қорғалатынын айта кетейік. Осы жерде Елбасы жақында Астанаға Оңтүстік Кореяның жаңа президенті мен Индонезия және Сербия басшыларының келетінін айтты. Сондай-ақ, өз үкіметінің құлағы, тілі, һәм көзі атанғандарға инвестиция тартуға белсене қатысуға кеңес берді.

Нұрсұлтан Назарбаев, Қазақстан республикасының президенті:

-Инвесторларға түрлі жеңілдіктер қарастырылған. Оны сіздер оқып, білулеріңізге болады. Сондықтан өз бизнесмендеріңізге Қазақстанға келіп, жұмыс істеу қолайлы екенін, пайдалы екенін түсіндіресіздер деп ойлаймын. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!