Қазақстан азаматы Сеул орталығында көпірден секіріп, қаза тапты

Оқиға кеше түн ортасында болған. Отандасымыздың аты-жөні әзірге жарияланбай отыр. Еліміздің Сыртқы істер министрлігі тек оның 32 жаста екенін және Оңтүстік Кореяға жұмыс бабымен барғанын растады. Мәліметтерге қарағанда, отандасымыз суицид жасаған. Көпірден секірген бетте ол Сеул ауруханасына жеткізілгенімен, сонда ес жимастан кетіпті. Қалтасынан тек күнделік табылған. Қазір елшілік оның денесін Қазақстанға жеткізу жолдарын қарастырып жатыр.