Батыс Қазақстанда жантүршігерлік жол апаты 4 адамның өмірін қиды

Бір жүргізушінің қарсы бағытқа шығуынан бетпе-бет соқтығысқан екі көліктің сау тамтығы қалмаған. Оқиға Орал-Ақсай тасжолында болған. Үш адам сол жерде жан тапсырса, төртіншісі ауруханада жатып үзіліпті. Полиция дерегі бойынша, жол апатына себепкер болған жүргізуші де сол қыршыннан қиылғандардың бірі. Қайғылы оқиғадан зардап шеккен 9 жолаушы қазір Теректі аудандық ауруханасында жатыр. Біреуінің жағдайы ауыр.